免費論壇 繁體 | 簡體
Sclub交友聊天~加入聊天室當版主
分享
返回列表 發帖

【2013-06-27】福山雅治自爆係宅男 愛食廣東菜

【伽俐略現身】福山雅治自爆係宅男 愛食廣東菜
2013-06-27 21:34:00


福山雅治今午出席記者會時,表情多多,時而沉鬱,時而微笑,大家暈未?﹗

「二佬」福山雅治噚日首度來港,今日就頻撲出席活動,為新戲《神探伽俐略2:真夏方程式》宣傳。下午福山出席喺天際100舉行嘅記者會,逾百傳媒到場採訪。福山話聽聞過天際100會受天氣影響,未必能睇到優美景色,好彩今日天公總算造美,令佢覺得好開心﹗

福山又對廣東菜有讚無彈,佢話噚晚抵港後,三餐都係食廣東菜,佢仲讚廣東菜細緻兼多元化,相當好食﹗福山自爆同「湯川學」一樣都係宅男一名,佢亦係對鍾意嘅事會表現沉迷,佢試過為咗搵結他資料,而上網摷咗一整日﹗



「二佬」好靚仔呀﹗


福山雅治自稱係宅男。


福山雅治(左)大讚廣東菜好食。


鞠躬答謝
附件: 您需要登錄才可以下載或查看附件。沒有帳號?註冊  

【伽俐略現身】逾千粉絲迫爆首映禮 福山為獅頭點睛
2013-06-27 22:09:00


福山雅治對獅頭造勢大表好奇,佢仲幫獅頭點睛。

福山雅治今晚盛裝出席新片《神探伽俐略2:真夏方程式》嘅香港首映禮,佢仲喺海港城露天廣場行紅地毯,真係型到裂﹗福山才華又靚仔,逾千名粉絲聞風而至,雖然今日熱到爆,但不減粉絲熱情,齊齊迫爆現場一睹「伽俐略」風采。

晚上七點二十分,福山終於逾千粉絲簇擁下出場,雖然紅地毯條路唔算長,但福山不時跟粉絲揮手,又要向攝影機講兩句,表現親民,結果花咗七分鐘先上到台。大會安排兩頭醒獅造勢,福山對呢樣嘢覺得好奇,佢仲不時擺chok爆甫士,佢仲親自為獅頭點睛。

福山以廣東話「大家好」打招呼,接着佢又以日文話:「我是福山雅治,初次來香港,今日多多指教。」問佢今次拍《伽俐略》有乜嘢新鮮經歷時,福山就識做賣口乖:「首次來港和大家見面,看見香港fans這麼熱情支持,令我有個難忘晚上。」

咁福山幾時來港開騷?佢就話:「見大家如此熱情,希望可短期內便來演出,沒可能不來!」

福山演嘅湯川學深入民心,問到有冇諗過「湯川學」會有戀情甚至結婚?抑或係繼續做宅男呢?福山就醒目地將個決定權交畀香港Fans﹗


福山魅力沒法擋﹗


祝新戲票房大收﹗


Chok到爆﹗


福山表現親民一面。


逾千粉絲迫爆會場。


洪金寶都有嚟﹗
附件: 您需要登錄才可以下載或查看附件。沒有帳號?註冊  

TOP

福山雅治飽覽港九靚景
[16:42] 2013/06/27

【on.cc 東方互動 專訊】 福山雅治今日下午假天際100(sky100)舉行記者會,由港星田蕊妮擔任大會司儀,吸引大批本地及內地傳媒採訪。福山今次在飽覽港九靚景的sky100辦記招,除希望新片能同樣冠絕全港外,亦可順便欣賞香港景色。


福山對香港景色十分欣賞。
附件: 您需要登錄才可以下載或查看附件。沒有帳號?註冊  

TOP

福山雅治首映舞獅助慶
[20:29] 2013/06/27

【on.cc 東方互動 專訊】 日本型男福山雅治新片《神探伽俐略2:真夏方程式》的首映儀式於晚上7時許在尖沙咀海旁進行,約千名粉絲到來觀星,而行紅地氈嘉賓有洪金寶與兒子洪天祥、女歌手AGA和麥家瑜等,場面熱鬧。儀式開始時有舞獅助慶,福山更親自為醒獅點睛。其後他上台接受田蕊妮訪問,提到何時來港開騷時,有粉絲大叫「等緊你」,福山聞言大笑:「見到咁既反應,唔嚟開騷都唔得!」


福山雅治站在醒獅旁向影迷揮手打招呼。
附件: 您需要登錄才可以下載或查看附件。沒有帳號?註冊  

TOP

返回列表