免費論壇 繁體 | 簡體
Sclub交友聊天~加入聊天室當版主
分享
返回列表 發帖

【2013-06-26】福山雅治襲港歎中菜

福山雅治襲港歎中菜
[22:55] 2013/06/26
       
【on.cc 東方互動 專訊】 唱而優則演的樂壇天王福山雅治今日襲港,吸引逾400名師奶Fans帶同橫額接機,福山於8時許現身,他親民地揮手及停低任影唔嬲,曾私下訪港的福山首次高調來港宣傳,更大晒廣東話:「大家好!」他趁上車前更向四方八面的粉絲逐一揮手。福山抵港即往尖沙咀醫肚,他在廣東道落車後步行往1881的王子飯店歎中菜,據知他入住半島酒店每晚近8萬港元的海景套房。


福山雅治首次高調襲港,更親民友善向在場歌迷揮手。


福山雅治吸引400名粉絲接機,近年日星襲港已甚少見。
附件: 您需要登錄才可以下載或查看附件。沒有帳號?註冊  

福山雅治飯後玩親民
[23:07] 2013/06/26

【on.cc 東方互動 專訊】 來港宣傳新片的日本型男福山雅治晚上10時半用饍完畢後,離開尖沙咀王子飯店。走時還親民向在場粉絲揮手,有粉絲更是專程由機場貼身追蹤偶像,之後福山乘搭專車回半島酒店休息。


福山雅治醫肚後乘專車回酒店休息。


多名工作人員貼身保護福山,認真有巨星風範!
附件: 您需要登錄才可以下載或查看附件。沒有帳號?註冊  

TOP

【短片】【福山雅治到咗喇!】 伽利略抵港 甜笑冧女:「大家好!」
2013-06-26 22:37:00

福山雅治首次來港 靚仔到震呀

日本型男福山雅治今晚抵港,為港、日同步上映的電影《神探伽俐略2:真夏之方程式》宣傳。佢聽日將會出席記招同首映禮,先係下午三點現身天際100香港觀景台出席記招;之後到晚上7點,就去海運大廈露天廣場出席首映禮,霸位趁早喇!!

講番今次福山雅治來港,因為係第一次公開來港,吸引咗逾400粉絲接機,以中女居多。今晚約8點半由十幾名工作人員陪同下步出機場,秩序尚算良好,粉絲們亦有自製橫額迎接偶像。

因為粉絲眾多,機管局保安同工作人員俾福山走VIP通道,隨行除有10多名工作人員外,更有12個保安護駕,警方亦有協助。福山雖然行VIP通道,但上車之前,都好識做咁停低俾傳媒影相,又揮手打招呼,更用廣東話講「大家好」。

福山雅治話,見到咁多粉絲接佢,覺得好感動,上車前更向粉絲揮手答謝。日本富士電視台亦有派員來港採訪。最後,福山與工作人員分別坐三架七人車離開。

聽日見喇!伽利略!


福山雅治……伽利略,你可唔可以唔好咁靚仔?


由VIP通道出嚟嗰吓,全場尖叫。


福山雅治用廣東話同fans講:「大家好!」




衝呀﹗




非常親民嘅福山雅治,主動行埋去做訪問。


笑得好甜呀!!!


又係嗰句…笑得好甜呀!!!


能夠做到佢身邊嘅翻譯就好喇!!

附件: 您需要登錄才可以下載或查看附件。沒有帳號?註冊  

TOP

【福山雅治到咗喇!】 抵王子飯店嘆京菜
2013-06-26 23:23:00


福山雅治依家仲喺王子飯店食緊嘢呀!

型男福山雅治今日嚟到香港,準備出席聽日《真夏方程式》記者會同首映禮。因為今次係首度公開來港,故就連日本富士電視台都有派員來港採訪。

福山雅治同工作人員分別坐三架七人車,離開機場。至晚上9點幾,一行人抵達尖沙嘴1881 Heritage嘅王子飯店晚飯。該店以京菜聞名。福山雅治等共十人齊齊入內用膳。

食到十點左右,福山雅治就出嚟,同行仲有保安公司Stanley Team職員。之後眾人到1881停車場取車,期間福山表現友善,不時向途人揮手,經過嘅途人都紛紛舉機影相。約十點半左右福山就返回下榻嘅半島酒店喇。


食飽飽,出嚟見記者…








旁邊嗰位肥哥哥…請自度設計對白。




揮手…HIHI……


準備上車






返回半島酒店喇,好好休息,聽日見﹗
附件: 您需要登錄才可以下載或查看附件。沒有帳號?註冊  

TOP

返回列表